ლამინ იამალი: დე ლა ფუენტემ ვარსკვლავი კრიტიკისგან დაიცვა

ესპანეთის ნაკრების მთავარ მწვრთნელს, ლუის დე ლა ფუენტეს, პრესკონფერენციაზე ლამინ იამალის დაცვა მოუწია. როგორც Mundo Deportivo-ს მიმომხილველი Fernando Polo Ramírez წერს, კრიტიკა როგორც ბარსელონის ფეხბურთელმა, ისე თავად მწვრთნელმა დაიმსახურა იმის გამო, რომ იამალი აღდგენას კატალონიაში გააგრძელებს.

ლამინ იამალი და მუხლის პრობლემა

ახალგაზრდა ვინგერს მუხლი აწუხებს, სახსარში კი სითხე დაუგროვდა. ეს ბოლოდროინდელ მატჩში მიღებული დარტყმის შედეგია.

ავტორის თქმით, აღდგენის გეგმაზე ესპანეთის ფედერაციისა და ბარსელონის ექიმები შეთანხმდნენ, დე ლა ფუენტემ კი ეს გადაწყვეტილება დაადასტურა. Polo Ramírez აღნიშნავს, რომ ორი ინსტიტუციის სამედიცინო შტაბები ბოლო დროს ერთმანეთს ყოველთვის ვერ უგებდნენ, ამიტომ მათი შეთანხმება პატივისცემას იმსახურებს.

რატომ იწვევს ლამინ იამალი დაძაბულობას

სტატიაში ავტორის პოზიცია მკაფიოდ ჩანს. ჟურნალისტის აზრით, ლამინ იამალი დღეს ესპანური ფეხბურთის სახეა და ნაკრების მაისური მისი გვარით ქვეყნის ყველა ქალაქში, მათ შორის მადრიდშიც, მასობრივად ჩანს. სწორედ ეს აღიზიანებს გარკვეულ წრეებს.

„ლამინი ვარსკვლავია. ბარსელონისაც და ნაკრებისაც“.

ავტორი წუხს, რომ კლუბებს შორის დაპირისპირება ესპანეთის ნაკრებშიც გადმოვიდა.

ჰაუსენის პრეცედენტი და მბაპე

მიმომხილველი გასული წლის ოქტომბრის შემთხვევას იხსენებს, როდესაც დინ ჰაუსენი კუნთების დაღლილობის გამო ნაკრებიდან გაათავისუფლეს. ორი კვირის შემდეგ მან ბარსელონის წინააღმდეგ ითამაშა, თუმცა მაშინ ამაზე არავის უხმაურია.

Polo Ramírez ასევე აღნიშნავს, რომ კილიან მბაპე კუნთების პრობლემის გამო იტალიასთან მატჩში ვერ ითამაშებს, და ირონიულად სვამს კითხვას: დაიწყებს თუ არა ვინმე მის კრიტიკასაც?

მეტი სიახლე: ბარსელონა · ლა ლიგა

წყარო: Mundo Deportivo

წყარო: Mundo Deportivo