როგორც Sherdog-ი იტყობინება, მერაბ დვალიშვილი მარლონ მორაესს კვლავ შეხვდება, ოღონდ ამჯერად არა ოქტაგონში, არამედ ჭიდაობის ხალიჩაზე. UFC-ის ბანტამ წონის ყოფილი ჩემპიონი Real American Freestyle-ის (RAF) ტურნირზე იასპარეზებს.
მერაბ დვალიშვილი აბუ-დაბიში იჭიდავებს
შეხვედრა 14 ნოემბერს აბუ-დაბის Etihad Arena-ზე გაიმართება. ორგანიზაციამ ეს წყვილი ოთხშაბათს გამოაცხადა და ის RAF-ის პირველი ახლოაღმოსავლური ტურნირის კარტში შევიდა.
პრომოუშენმა სიახლე სოციალურ ქსელში ასე წარადგინა: „#RAFABUDHABI კიდევ უფრო საინტერესო გახდა“. ამერიკელი მაყურებელი ტურნირს Fox Nation-ზე ნახავს.
დვალიშვილისა და მორაესის რევანში
Sherdog-ი ამ დაპირისპირებას რევანშს უწოდებს, რადგან ქართველი და ბრაზილიელი მებრძოლები ერთმანეთს უკვე შეხვედრიან. ამჯერად კი ისინი ძალებს მხოლოდ ჭიდაობის წესებით, დარტყმების გარეშე გაზომავენ.
ჭიდაობა მერაბ დვალიშვილის ერთ-ერთ მთავარ იარაღად ითვლება, ამიტომ ქართველი ფანები ამ შეხვედრას განსაკუთრებული ინტერესით ელოდებიან. RAF-ის აბუ-დაბის ტურნირი კი ორგანიზაციისთვის ახალ რეგიონში გასვლის პირველი ნაბიჯი იქნება.
მეტი სიახლე: მერაბ დვალიშვილი · მანჩესტერ სიტი · MMA
წყარო: Sherdog
