მიუნხენის ბაიერნში კიდევ ერთი უსიამოვნო სიახლეა. როგორც L’Equipe იტყობინება, მანუელ ნოიერი ტრავმამ შეაწუხა: გუნდის მეკარეს მარჯვენა ფეხზე მყესის ნაწილობრივი გახევა დაუდგინდა.
მანუელ ნოიერი მაინცთან მატჩში დაშავდა
ვეტერანი მეკარე შაბათს, მაინცთან 2:1-ით დასრულებულ შეხვედრაში დაშავდა. მატჩის შემდეგ ნოიერმა სამედიცინო გამოკვლევები გაიარა.
ბაიერნმა დიაგნოზი გამოკვლევების დასრულებისთანავე ოფიციალურად გაასაჯაროვა. კლუბის ცნობით, საქმე მარჯვენა ფეხის მყესის ნაწილობრივ გახევასთან გვაქვს.
როდის დაბრუნდება ნოიერი?
ამ კითხვაზე პასუხი ჯერ არ არსებობს. ბაიერნს მეკარის მოედანზე დაბრუნების ზუსტი ვადა არ დაუსახელებია, ასე რომ, რამდენ ხანს დარჩება ის მწყობრიდან გამოსული, ჯერჯერობით უცნობია.
L’Equipe-ის ცნობით, ეს ახალი დარტყმაა როგორც მიუნხენელებისთვის, ისე თავად მანუელ ნოიერისთვის. ბავარიულ კლუბს მეკარის პოზიციაზე ალტერნატივის ძებნა მოუწევს, სანამ გუნდის კაპიტანი სრულად გამოჯანმრთელდება.
მეტი სიახლე: ბაიერნი · ბუნდესლიგა
წყარო: L'Equipe
