როგორც CBS Sports იტყობინება, სანდრო მამუკელაშვილი ორშაბათს ლოს-ანჯელეს ლეიკერსის ერთ-ერთი მთავარი გმირი იყო. ქართველმა კალათბურთელმა სათადარიგოთა სკამიდან გამოსვლისას სეზონის საუკეთესო შედეგი — 23 ქულა აჩვენა, ლეიკერსმა კი ატლანტა ჰოქსი 124:114 დაამარცხა.
სანდრო მამუკელაშვილი — ზუსტი სამქულიანები
მოედანზე გატარებულ 32 წუთში მამუკელაშვილმა ორქულიანი და სამქულიანი ზონიდან შესრულებული 13 სროლიდან 7 გაიტანა. განსაკუთრებით ზუსტი იყო რკალს მიღმიდან: 8 მცდელობიდან 5 სამქულიანი ჩააგდო, ოთხივე საჯარიმო სროლა კი ზუსტად შეასრულა.
ქულების გარდა, ქართველს ანგარიშზე 8 მოხსნა, 3 შედეგიანი გადაცემა, ერთი ბლოკი და ერთი გადაჭერა ჩაეწერა. მისი „პლიუს-მინუსი“ +20 იყო, რაც გუნდში საუკეთესო მაჩვენებელია.
რივზის გარეშე დარჩენილ ლეიკერსს სანდრო მამუკელაშვილი დაეხმარა
ლეიკერსს ამ შეხვედრაში ოსტინ რივზი აკლდა, რომელმაც ავადმყოფობის გამო ვერ ითამაშა. სწორედ ასეთ ვითარებაში აღმოჩნდა გუნდისთვის განსაკუთრებით ღირებული ქართველის წვლილი.
CBS Sports-ის შეფასებით, მამუკელაშვილის უნარი, სროლით მოედანი გაშალოს, მას დროდადრო მნიშვნელოვან როლს სძენს. თუმცა გამოცემა იმასაც აღნიშნავს, რომ მისი სათამაშო წუთები დიდწილად მეტოქეზე და ლეიკერსის მოთამაშეების ჯანმრთელობაზეა დამოკიდებული.
მეტი სიახლე: სანდრო მამუკელაშვილი · კალათბურთი
წყარო: CBS Sports
